ڈاکٹر محمد مشتاق احمد فقہ و قانون اور بین الاقوامی تعلقات کے ماہرین میں سے ہیں – انٹرنیشنل اسلامک یونی ورسٹی ، اسلام آباد کی شریعہ اکیڈمی کے ڈائریکٹر جنرل رہ چکے ہیں – ‘آداب القتال’ اور ‘جہاد ، مزاحمت اور بغاوت : اسلامی شریعت اور بین الاقوامی قانون کی روشنی میں’ ان کی اہم تصانیف ہیں – ان کی تازہ کتاب ‘مسئلہ فلسطین : اسلامی شریعت اور بین الاقوامی قانون کے چند مباحث’ موجودہ حالات میں فلسطین کے مسئلے کو سمجھنے کے لیے بہت اہم تصنیف ہے-

یہ کتاب تین ابواب پر مشتمل ہے – باب اول میں دینی پہلو سے اور باب دوم میں قانونی پہلو سے اشکالات کا جواب دیا گیا ہے – باب سوم میں یہ ثابت کیا گیا ہے کہ اہل فلسطین کی مدد دینی فریضہ ہے اور بین الاقوامی قانون بھی اس کی اجازت دیتا ہے – دو ضمیمے بھی ہیں ، جن میں بعض اشکالات کے جوابات دیے گئے ہیں –