Free Delivery

علامہ سید سلیمان ندوی رحمہ اللہ نے حضرت حکیم الامت اشرف علی صاحب تھانوی رحمۃاللہ علیہ سے اصلاحی تعلق قائم کیا تو “خیر خواہوں” اور یار لوگوں نے خوب اعتراضات کئے، طعنے دئیے، یہاں تک کہا کہ ایک علامہ نے ملّا کے سامنے گھنٹے ٹیک دئیے، سید صاحب کو اطلاع ہوئی تو فرمایا عجیب لوگ ہیں علامہ بھی مانتے ہیں اور میرے فعل پر تنقید بھی کرتے ہیں. مزید فرمایا کہ ان ناقدین کو اتنا تو سمجھ ہی لینا چاہیے کہ جب مجھ جیسے “علامہ” کو بھی اصلاح کے لئے کسی صاحب ِدل کی ہم نشینی اور دست گیری کی ضرورت ہے تو دیگر افراد کو اس کی کتنی ضرورت ہوگی. جو لوگ آج ایک دو کتابیں پڑھ کر خود کو عالم و فاضل، اسلامی اسکالر، مفکرِ اعظم اور نہ جانے کیا کیا سمجھنے لگتے ہیں ان کے لیے سید صاحب کی بات تازیانے سے کم نہیں. فرصت ہو تو مولانا عبد الماجد دریابادی رحمہ اللہ کی ” حکیم الامت نقوش و تأثرات ” بالتفصيل پڑھ لینی چاہیے کہ اس میں عقل والوں کے لیے بڑا سامانِ عبرت ہے۔