Web Analytics Made Easy -
StatCounter

گلستان سیف الملوک

گلستان سیف الملوک

گلستان سیف الملوک

١۔گلستانِ سیف الملوک، سرکار میاں محمد بخش کی شہرہ آفاق مثنوی سفر العشق المعروف قصہ سیف الملوک و بدیع الجمال کی روشنی میں لکھے گئے سو (100)سے زائد چھوٹے بڑے مضامین کا مجموعہ ہے۔
2۔گلستانِ سیف الملوک کی زبان انتہائی سلیس اردو اور عام فہم ہے ،جسے معمولی تعلیم رکھنے والے افراد بھی بآسانی پڑھ اور سمجھ سکتے ہیں۔
3۔گلستانِ سیف الملوک میں اندازِ تحریر مناظرانہ یا مجادلانہ نہیں، بلکہ عارفانہ اور مصلحانہ اختیار کیا گیا ہے ،جو کہ صوفیاء کی تعلیمات کے عین مطابق ہے۔
4۔گلستانِ سیف الملوک میں مشکل ترین اور بظاہر ناقابلِ حل اختلافی مسائل کو دلنشین اور عمدہ مثالوں کے ساتھ سمجھانے کی کوشش کی گئی ہے۔
5۔گلستانِ سیف الملوک میں بات کو ٹھونسنے کی بجائے دعوتِ فکر اور دل پر دستک دینے والا انداز اختیار کیا گیا ہے۔
6۔گلستانِ سیف الملوک میں طنر ، طعن و تشنیع ، سوقیانہ پن اور تلخ انداز سے مکمل طور پہ گریز کیا گیا ہے۔ بلکہ اس کے برعکس مٹھاس بھرے جملوں اور فرحت آمیز پیرائے میں پیغامِ محبت دیا گیا ہے۔
7۔گلستانِ سیف الملوک ، پڑھنے والا ، اپنی سوچ اور فکر میں بہت مثبت تبدیلی محسوس کرے گا۔
8۔گلستانِ سیف الملوک میں طوالت کی بجائے اختصار کو ملحوظ رکھا گیا ہے۔ جس بات کے لیے بعض دفعہ پچاسوں صفحات تحریر کئے جاتے ہیں ،اسی بات کو ایک دو جملے میں سمجھانے کی کوشش کی گئی ہے۔
مثال کے طور پر کراماتِ اولیاء کے حوالے سے یہ جملہ اپنے اندر معانی کا سمندر لئے ہوئے ہے اور کوئی بھی ذی ہوش اور منصف مزاج شخص اس کا انکاری بھی نہیں ہو گا۔
“اگر غور کیا جائے تو اللہ تعالیٰ کے خاص بندوں کی عظمت اور شان قدرت و طاقت کا انکار ، ایک طرح سے اللہ تعالیٰ کی قدرت کا ہی انکار ہے”
9۔گلستانِ سیف الملوک ، اُن افراد کے لئے بھی ایک نایاب تحفے سے کم نہیں، جو کسی بھی وجہ سے سرکار میاں محمد بخش کی کتاب سیف الملوک کے حوالے سے بد گمانی یا غلط فہمی کا شکار ہو چکے ہیں۔ گلستانِ سیف الملوک کے آئینے میں وہ حضرات سیف الملوک کا حقیقی چہرہ دیکھ سکیں گے۔
10۔گلستانِ سیف الملوک میں پنجابی اشعار کا ترجمہ انتہائی محتاط اور مودبانہ انداز میں کرنے کی کوشش کی گئی ہے۔
11۔گلستانِ سیف الملوک ان کتابوں میں سے ہو گی (ان شاءاللہ) جنہیں سرہانے یا سائیڈ ٹیبل پہ رکھ کر روزانہ کم از کم ایک مضمون پڑھا جائے۔
12۔گلستانِ سیف الملوک صرف ایک بار پڑھ کر رکھ دی جانے والی کتاب نہیں ،بلکہ یہ تو خوشبوؤں کا گلستان ہے۔جہاں روزانہ سیر کے لئے آیا جائے گا اور دل و دماغ کو مسلسل معطر اور معنبر رکھنے کی کوشش کی جائے گی۔

Leave a Reply

Your email address will not be published. Required fields are marked *