مولانا عمری کی شخصیت علمی حلقوں میں محتاج تعارف نہیں ہے۔ موصوف عالم اسلام میں ایک جید عالم اور بہترین خطیب ، ممتاز محقق اور صاحب طرز مصنف کی حیثیت سے معروف ہیں۔ قرآن و سنت سے گہری واقفیت کے ساتھ جدید افکار پر ان کی گہری نظر ہے۔ موضوع کا تنوع، اسلوب کی انفرادیت، طرز استدلال کی ندرت اور زبان و بیان کی شگفتگی ان کی نمایاں خصوصیات ہیں۔

زیر نظر کتاب [تہذیب و سیاست کی اسلامی قدریں] اصلاً مولانا کے ان مقالات کا مجموعہ ہے، جو انھوں نے مختلف مواقع پر تحریر کیے اور وہ مجلہ تحقیقات اسلامی علی گڑھ میں شاءع ہویے۔ ان کی یکجا ترتیب سے تہذیب و سیاست کے میدان میںں اسلام کا نقطۂ نظر کی عمدہ پیاریے میں وضاحت ہوتی ہے اور اس کی تعمیر میں اسلام کا انقلابی کردار نمایاں ہوتا ہے۔