Nasiyati Sehat Jadeed Naqta e Nazar Aur Islamنفسیاتی صحت جدید نقطۂ نظر اور اسلامی رہنمائی

انسان جیسے جیسے باہر کی دنیا میں مہذب سے مہذب ترین ہوتا جا رہا ہے، اس کی داخلی دنیا اتنی ہی بے ہنگم اور پریشان ہوتی جا رہی ہے۔ یہ مسائل نئے نہیں ہیں، البتہ ان کے مظاہر بدلتی دنیا کے ساتھ بدل جاتے ہیں۔ اس وقت ہمارے معاشرے کا اگر بہت احتیاط سے بھی شمار کیا جائے، ہر دوسرا فرد نفسیاتی مسائل (Mental health) سے دو چار ہے۔ وجوہات مختلف نوعیت کی ہو سکتی ہیں، حل شاید صرف دو طریقے کے ہو سکتے ہیں۔ ایک مادی اور دوسرا روحانی۔ کسی ایک کا کلی اثبات اور دوسرے کا کلی انکار کرنا عقل مندی کی نشانی نہیں ہے۔ اسی مطمحِ نظر کو واضح کرتے ہوئے یہ کتاب جناب امین الحسن صاحب نے تصنیف فرمائی ہے۔