Nalain e Mustafaنعلین مصطفیٰ

رسول اللہ ﷺ کی زندگی کا ہر پہلو ایسا ہے جس کو سیرت نگاروں نے خاص انداز میں محفوظ رکھا ہے۔ حفاظت کا یہ دائرہ صرف ذات ِ مصطفیٰ ﷺ تک ہی محدود نہیں ، بل کہ منسوبات ِ مصطفیٰ ﷺ کو بھی محفوظیت کا یہ شرف حاصل رہا ہے۔ نعلینِ مصطفیٰ ﷺ پر یہ اپنی نوعیت کی منفرد اور اوّلین مستقل تصنیف ہے۔ اس تصنیف کے ذیلی عناوین میں
قرآن و سنت میں تذکرۂ نعلین
قدمینِ مصطفیٰ ﷺ کی اعجازی شان
نعلینِ مصطفیٰ ﷺ کی ہیئت و صورت
احادیث میں نبی اکرم ﷺ کے نعلین سے متعلق آداب و احکام اور
نعلینِ رسول اکرم ﷺ پر تصنیفات کا مختصر تعارف وغیرہ شامل ہیں۔
علاوہ ازیں اس تصنیف میں بہت سے اہم سوالوں کا جواب بھی دیا گیا ہےجیسے کیا معراج کے موقع پر نبی اکرم ﷺ نعلین پہن کر گئے تھے وغیرہ۔ ۲۰۸صفحات پر مشتمل یہ کتاب یقیناً سیرت ِ طیبہ ﷺ کے علوم و معارف کے نئے دریچوں کو وا کرتی ہے۔