Islam Mein Tafseer Wa Tabeer Ka Sahih Maqam, 8 Vols, اسلام میں تفسیر و تعبیر کا صحیح مقام

امت مسلمہ کے لیے قرآن کی حیثیت ایک بنیادی دستاویز کی ہے۔ اگر اس دستاویز کے بارے میں کسی قسم کا شک و شبہ پیدا ہوجائے یا اس کے مقام و منصب کے سلسلے میں التباس در آئے تو فی نفسہ یہ بات امت کے نصب العین کے زیاں اور اس منظم و مامور امت کو ایک بے سمت بھیڑ میں بدل دینے کے لیے کافی ہے۔ بد قسمتی سے ہمارے یہاں علوم قرآنی کے نام پر ضخیم مجلدات کا جو سرمایا اکٹھا ہو گیا ہے وہ نہ صرف یہ کہ فہمِ قرآن میں حارج اور غایت قرآنی سے مزاحم ہے بلکہ خود وحی کی عظمت کے سلسلے میں ہمارے دل و دماغ میں شبہات و التباسات کا موجب بھی۔