Free Delivery

اردو زبان میں تاریخ اسلام کی کتابوں کی فہرست دیکھیں تو ان میں ایک ممتاز اورنمایاں نام مولانااکبر شاہ خان نجیب آبادی کا نظر آئے گا ،آپ کی تحریر کردہ تاریخ اسلام تین جلدوں پر مشتمل ہے جوابتدائے اسلام سے لے کر دسویں صدی ہجری تک کے حالات کا احاطہ کرتی ہے،مولانا نے اپنا علمی سرمایہ تیس کے قریب کتابوں میں محفوظ فرمایا ، ، لیکن آپ کی شہرت وتعارف کا سبب تاریخ اسلام ہی بنی۔یہ کتاب محرم ۱۳۴۳ئھ میں مکمل ہوئی ۔

کتاب کے پہلے حصے میں عہد جاہلیت سے لے کر خلافت راشدہ تک کا بیان ہے

دوسرا حصہ بنو امیہ اور بنو عباس پر مشتمل ہے ، اس میں مسلمانوں کے عہد کشور کشائی ، تمدن آفرینی اور قیادت علمی کے عروج کی مکمل تاریخ بھی ہے اور زوال واسباب زوال کی ایک عبرت ناک داستان بھی ،

کتاب کے تیسرے حصے میں اندلس ، مراکش ، افریقہ ،مصر ، ایران ، شام وغیرہ کی اسلامی سلطنتوں کے حالات شرح وبسط سے بیان ہوئے ہیں ، اس میں بنو امیہ (اندلس) ، دولت صفاریہ ، سلجوقیہ ، عثمانیہ ،مغولان چنگیزی اور خوارزم شاہیہ کاتذکرہ بھی تفصیل سے ملتا ہے ، اس طرح مصنف نے مصر میں دولت مملوکیہ کے اختتام اور سلطان سلیم خان کی فتح مصر اور خلافت تک (۹۲۳ئھ-۱۵۱۸ءء) کے حالات تفصیل سے لکھے ہیں