شہادت اپنے وسیع مفہوم میں ان تمام چیزوں پر محیط ہے جو کسی دعوی یا نالش کی صداقت ظاہر کرنے یا اس کو متعین کرنے کے لیے استعمال میں لائی جاتی ہیں۔ شہادت دینا یا اسے پیش کرنا ان چیزوں کو استعمال کرنے کا عمل ہے جن کی سچائی کا قیاس کیا جاسکے یا جو بذات خود شہادت کے ذریعہ ثابت شدہ ہوں تاکہ کسی دعویٰ کی سچائی ظاہر و ثابت ہوسکے۔ قانونِ شہادت اس ضابطہ کا نام ہے جس کے توسط سے بار ثبوت کی ذمہ داری نبھائی جاتی ہے۔ شہادت ایک پیچیدہ اور وسیع موضوع ہے جس کا قانون کی دنیا میں بنیادی رول ہوتا ہے۔ یہ یکساں طور پر دیوانی و فوجداری کارروائیوں اور تجاویز میں لاگو ہوتا ہے۔