جدید ہندوستان میں اردو سیرت نگاری اپنے قدیم اور زریں ادوار کے مقابلے میں بعض جہات و اعتبارات سے قابل فخر ہے اور چند زاویوں سے لائقِ اصلاح، برصغیر پاک وہند کے قلب شمالی ہندوستان اور جنوبی ہند کے دیار حیدرآباد دکن و مدراس وغیرہ کے مختلف مراکز میں ایسا معیاری اور تحقیقی کام کیا گیا کہ اسے اردو سیرت نگاری میں مجتہدانہ شرف نگاری اور عالمانہ و ماہرانہ تحقیق نویسی کا شرف دے دیا گیا اور پورے برصغیر نے ان کی امامت و سیادت تسلیم بھی کرلی۔